गददी मणु .
गददी मणु उचै पहाङा मां अपणै धणा अपनै टवरा अतै अपणै खेती करनै रै साधना सोगी रेहणा जायदा पसन्द करदै थियै, पर आजकल टैम बदली गो हा ता हर चिज टैमा-टैमा री उपल्वध भूचि गान्दी हा ता इन्या अपणी पुराणी रीति जो छङी करी नोऐ तरीकै अपनाणा लगुरै हिन। येह ठीक भी हा कि पुराणें टैम अकी कमा करनै जो बङी देर लगदी थी। अवै हर काम टैमा-टैम पुर भुचि गान्दे। अवै हर कोई पढा-लिखा हा अतै अपणा खरा वुरा जाणदा। खरी गल्ल हा कि अवै गददी मणु अवै कसी भी कमा मा पिचो नैई हिन सव गददी मणु जो प्रमात्मा आशिस, वरकत अतै शान्ति देआ।
|
येह गददी मणु री तस्वीर हा तंयारी वेश-भूषा सोगी। गददी भोळै-भाळै अतै मेहनती, ईमानदार भुनदै हिन। गददी मणु पहाङा मां रैहणा जायदा पसन्द करदै हिन। अपणी खेती अतै जानवरा सोगी अपणा निर्वाह करदै हिन पर अवै ता सव समतल ईलाके मां वसी करी कई तरह रै रोजगार, कम-धन्धै करना लगुरै। नोऐ नोऐ बिजनस करी के अपणे अतै अपणै गददी इलाके रा ना रोसन करना लगुरै अतै अगो भी करदै रैहणा। |
|
